ຕາມຂ່າວຈາກ ຊິນຮວາ,ວັນທີ7ກໍລະກົດນີ້, ກະຊວງ ການຈັດການ ເຫດສຸກເສີນ ຂອງຈີນ ເປີດເຜີຍວ່າ: ສຳນັກງານໃຫຍ່ ດ້ານການຄວບຄຸມ ໄພນ້ຳຖ້ວມ ແລະ ໄພແຫ້ງແລ້ງ ຂອງຈີນ ປະກາດ ຮັບມື ສຸກເສີນ ລະດັບ4 ເພື່ອການຄວບຄຸມ ນ້ຳຖ້ວມ ທາງພາກເໜືອ ແລະ ຕາເວັນອອກ ສ່ຽງເໜືອ ຂອງປະເທດ ກວມເອົາ ຫລາຍພື້ນທີ່ ເປັນຕົ້ນ: ນະຄອນຫລວງ ປັກກິ່ງ,ທຽນຈິນ, ເຮີເປ, ຫລຽວໜິງ, ຈີລິນ, ເຮຍຫລົງຈຽງ, ຊານຕົງ ແລະເຫີໜານ.
ຂະນະມີ ຄາດການວ່າ: ຝົນຕົກໜັກອາດຈະສົ່ງ ຜົນກະທົບຕໍ່ພື້ນທີ່ ເຫລົ່ານີ້ ຫລັງຈາກ ລະດັບນ້ຳໃນແມ່ນ້ຳ ລຽວເຮີ(Liaohe) ສູງເກີນ ລະດັບ ການເຕືອນໄພເປັນເວລາ ຫລາຍວັນແລ້ວ ເພີ່ມຂຶ້ນອີກ ສ່ວນໄພ ທຳມະຊາດອື່ນໆເຊັ່ນ: ນໍ້າຖ້ວມ, ຝົນຕົກໜັກ, ດິນເຈື່ອນ ແລະ ນໍ້າຖ້ວມຂັງ ໃນຕົວເມືອງສາມາດ ເກີດຂື້ນໃນພື້ນທີ່ ໄດ້ຮັບຜົນກະທົບດັ່ງກ່າວ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
