ສຳນັກຂ່າວ ຊິນຮວາຂອງ ສປຈີນ, ວັນທີ 26 ທັນວາ, ທະນາຄານ ປະຊາຊົນຈີນ (PBOC) ຫລື ທະນາຄານກາງ ຈີນ ໄດ້ຜະລິດຫລຽນ ທີ່ລະລຶກ ເພື່ອສະເຫລີມ ສະຫລອງປີໃໝ່ ທີ່ຈະມາເຖິງ. ໂດຍຊຸດຫລຽນ ດັ່ງກ່າວ ປະກອບດ້ວຍ 3 ຫລຽນ ຊຶ່ງລ້ວນແຕ່ມີ ມູນຄ່າ ຕາມກົດໝາຍ, ໂດຍແບ່ງອອກ ເປັນຫລຽນທອງ, ຫລຽນເງິນ ແລະ ຫລຽນໂລຫະ ປະສົມທອງແດງ ສອງສີ .
ໂດຍຫລຽນທອງ ແລະ ຫລຽນເງິນ ໂດຍມີ ມູນຄ່າ 10 ຢວນ ແລະ 3 ຢວນ ຕາມລຳດັບ , ມີສັນຍາລັກປະຈຳຊາດ ແລະ ຕົວເລກປີ 2023 ທີ່ດ້ານໜ້າ, ສ່ວນດ້ານຫລັງ ສະຫຼັກຕົວອັກສອນຈີນ “ຝູ” ຊຶ່ງ ໝາຍເຖິງ ຄວາມສຸກ ແລະ ຄວາມໂຊກດີ, ພ້ອມກັນນັ້ນ ຍັງມີ ການຕົບແຕ່ງ ຕາມລວດລາຍ ເທດສະການ ຈີນ ເຊັ່ນ: ການເຊີດສິງໂຕ. ໃນຂະນະທີ່ ຫລຽນໂລຫະ ປະສົມ ທອງແດງ ສອງສີ ທີ່ມີ ມູນຄ່າ 10 ຢວນ ສະຫຼັກຮູບກະຕ່າຍ ປະດັບ ລວດລາຍ ການຕັດເຈ່ັ້ຍ ແບບຈີນບູຮານ ແບະ ລວດລາຍ ການພີມປີໃໝ່./
