ການແຂ່ງຂັນກິລາບານເຕະຊາຍ ຮອບ 8 ທີມສຸດທ້າຍໃນງານມະຫາກໍາກິລາແຫ່ງຊາດ ຄັ້ງທີ XI ຫລື ຊຽງຂວາງເກມ 2022 ຈັດຂຶ້ນໃນຕອນບ່າຍວັນທີ 17 ທັນວານີ້, ໃນນີ້ 2 ຄູ່ແຂ່ງຂັນກັນຢູ່ສະຫນາມກິລາໄຫຫີນ, ນະຄອນຫລວງວຽງຈັນ ຊະນະ ແຂວງຄໍາມ່ວນ 2#0 ແລະ ແຂວງຊຽງຂວາງ ເຈົ້າພາບ ຊະນະ ແຂວງສາລະວັນ 1#0.
ສ່ວນອີກ 2 ຄູ່ທີ່ແຂ່ງຂັນກັນຢູ່ສະຫນາມກິລາໄຊຊະນະ, ແຂວງວຽງຈັນ ຊະນະ ແຂວງຈໍາປາສັກ ດ້ວຍການຍິງລູກໂທດ 5#4 ພາຍຫລັງສະເຫມີກັນໃນເວລາປົກກະຕິ 1#1, ສ່ວນອີກ 1 ຄູ່ ແຂວງເຊກອງ ຊະນະ ແຂວງ ຫົວພັນ 2#1.
ສໍາລັບບານເຕະຊາຍ ຮອບຮອງຊະນະເລີດໃນຊຽງຂວາງ ເກມ 2022 ຈະແຂ່ງຂັນກັນໃນວັນທີ 19 ທັນວານີ້ ທີ່ສະຫນາມກິລາໄຫຫີນ, ແຂວງວຽງຈັນ ຈະພົບ ແຂວງເຊກອງ ໃນເວລາ 13 ໂມງ 00 ແລະ ນະຄອນຫລວງວຽງຈັນ ພົບແຂວງຊຽງຂວາງ ເຈົ້າພາບ ເວລາ 15 ໂມງ 45 ນາທີ.
ພາບ: ສົງການ
