ສຳນັກຂ່າວ ຊິນຮວາຂອງ ສປຈີນ, ວັນທີ 29 ພະຈິກ, ຄະນະ ກຳມະທິການ ພາສີ ແຫ່ງ ຄະນະ ລັດຖະມນຕີ ຈີນ ເປີດເຜີຍວ່າ: ຈີນ ຈະສືບຕໍ່ ຍົກເວັ້ນພາສີ ເພີ່ມຕື່ມ ສຳລັບ ສິນຄ້າ ບາງລາຍການ ຂອງ ສ.ອາເມລິກາ ໄປຈົນເຖິງ ເດືອນ ພືດສະພາ ປີ 2023. ຖະແຫລງການດັ່ງກ່າວ ມີຂຶ້ນ ກ່ອນໜ້າ ທີ່ເຜີຍແຜ່ ເມື່ອເດືອນ ເມສາ ປີ 2022 ໂດຍລະບຸວ່າ: ສິນຄ້າ ບາງລາຍການ ຈາກ ສ.ອາເມລິກາ ໄດ້ຮັບການຍົກເວັ້ນ ຈາກ ມາດຕະການ ພາສີຕອບໂຕ້ ມາດຕາ 301 (Section 301) ຂອງສ.ອາເມລິກາ ຈົນເຖິງວັນທີ 30 ພະຈິກ ປີ 2022 ນີ້. ໂດຍ ຄະນະກຳມະທິການ ລະບຸວ່າ ພາຍຫລັງ ການປະກາດ ຂະຫຍາຍເວລາ ການຍົກເວັ້ນ ພາສີດັ່ງກ່າວ ຈະມີຜົນ ບັງຄັບໃຊ້ ເຖິງວັນທີ 31 ພືດສະພາ ປີ 2023.
(ບັນນາທິການຂ່າວຕ່າງປະເທດ, ຮຽບຮຽງໂດຍ: ນ ດາວັນ).
